咁用5G 50gb數據一個月係唔係可以替代家用寬頻？咁主要呢可以睇兩樣嘢嘅。第一，就係5g嘅速度，可唔可以替代家用寬頻。第二，就係50GB嘅數據，足唔足夠替代家用寬頻。咁首先講咗速度先啦。根據speedtest.net 2022年第一季度5g速度中位數嘅統計呢，香港各間網絡服務供應商包括係CMHK、3HK、SmarTone、同埋csl，佢哋都有100M或以上嘅速度嘅。最高係CMHK，有172.19M。而當比較返家居光纖寬頻，而家嘅計劃呢多數呢，都係100M起跳嘅。由100m、300m、500m、去到1000m、甚至乎呢係去到10GB都有嘅。咁所以當有人問，用5G係唔係可以替代到家用寬頻呢，暫時嚟講呢其實就睇下，究竟你而家平時係用緊幾快嘅速度。如果你而家屋企係用緊100m嘅光纖寬頻，而你又覺得非常之足夠使用㗎啦，咁喺訊號良好嘅情況底下呢，你轉用5g呢，理論上就唔會有太大分別嘅。咁但係你話唔係喎我平時屋企係用緊1000m嘅家居寬頻㗎喎。咁突然之間跌到落去得番100M，或者係200M，咁個分別呢可能就會比較大。
至於數據上50gb又係唔係足夠呢？咁其實呢就好視乎你本身嘅上網習慣嘅。譬如有人可能鍾意睇Netflix 4K 影片嘅話呢，咁你睇一套劇集或者係一套電影呢可能已經係用咗幾GB、甚至乎係幾十GB嘅數據㗎。咁喺呢個情況下呢50gb數據呢相信呢都好難會足夠使用嘅。咁但係你話唔係喎本身呢，呢一個5G替代家用寬頻嘅選擇呢唔係成日上網嘅人使用，或者係畀老人家使用嘅咁佢哋呢平時呢可能只係會用wi-fi傳送訊息呀、瀏覽一啲好簡單嘅網頁啦，例如係睇下新聞咁樣。咁呢個情況下呢可能五十GB呢就非常之足夠使用啦。
如果大家有任何寬頻上嘅查詢，可以致電2121 1544，或者whatsapp 9749 8987。同時，亦都可以訂閱我嘅頻道，我哋下集再同大家分享其他資訊，拜拜！
電話：2121 1544
WhatsApp：9749 8987