咁究竟5G係唔係一個騙局呢，對於一般人嚟講有冇需要用到手機嘅5G plan呢？咁我哋一般講5G呢其實即係代表速度快咗啦。咁好多網絡服務供應商呢都會標榜5G呢只係需要用幾多幾多秒就可以下載到一套劇集，又或者用到幾多秒呢又可以做到啲乜嘢喇。咁實際使用上5G速度究竟係有幾快？咁根據speedtest.net 2022年第一季5G速度中位數嘅統計呢，香港各家網絡服務供應商嘅表現呢，大概就係喺110M至到170M之間嘅。換言之喺速度嚟講，手機有冇需要用到110M或以上呢？咁其實呢而家呢好多應用程式，對於連線速度呢都會有一個建議值嘅，例如係睇youtube嘅4k影片呢就建議需要20M嘅速度啦。睇netflix嘅4k影片呢就係建議需要15M嘅速度。又例如zoom係建議需要2-6M嘅速度，Google meet係建議需要2.6-4M嘅速度。咁可能就會有人問，會唔會有一個應用程式係硬性規定需要100M下載速度嘅呢？咁可能呢就只有淨返技術性，或者係一啲專業用途，或者係研究用途嘅應用程式呢，需要用到100M或以上下載速度嘅。一般人嚟講呢，可能只有下載一啲大型嘅文件或者係應用程式嘅時候呢先會好容易感受到100M、50M、20M之間嘅分別，因為以一個10GB嘅檔案為例呢，用100M下載速度呢，大概就係需要15分鐘嘅時間，但係如果你只係得50M下載速度嘅話呢，就需要接近半個鐘嘅時間先至可以下載到一個10GB檔案。咁總括嚟講呢，一般人究竟有冇需要用到5G嘅速度呢？其實呢個答案真係好視乎你本身所做嘅嘢呢，有冇需要用到110M以上架下載速度如果真係有咁樣嘅需要嘅話呢，5G可能就比較適合你啦。
如果大家有任何寬頻上嘅查詢，可以致電2121 1544，或者whatsapp 9749 8987。同時，亦都可以訂閱我嘅頻道，我哋下集再同大家分享其他資訊，拜拜！
電話：2121 1544
WhatsApp：9749 8987