咁好多人呢係寬頻合約就嚟到期嘅時候呢，都會收到電話、電郵呀去推銷一啲續約嘅優惠嘅。不過好多時呢，呢啲所謂嘅續約優惠，無論喺價錢上抑或贈品上面呢，都唔係真係好優惠嘅啫。甚至乎呢，續約價錢係可以貴過你而家份合約嘅嗰個價錢嘅。例如你而家可能係畀緊98蚊一個月，但係續約之後呢可能要畀118蚊一個月。咁價錢貴咗咁個優惠究竟喺邊度呢？可能就係會畀一啲甜頭你啦。例如可能會送一啲網上嘅會籍，好似係聽歌或者係睇片嘅年費訂閱。咁通常呢一啲年費嘅訂閱呢，以原價嚟講呢都係好貴嘅。即係呢一啲年費訂閱可能原價要畀68蚊一個月先至可以享用到服務，但係而家寬頻續約只係需要畀多20蚊就可以有呢一個年費訂閱啦，咁變相係咪即係好優惠呢？咁其實就要視乎呢一啲贈品係唔係你真係需要喇。如果你原先已經係畀緊一個價錢去訂閱，而家呢係可以一個更加優惠嘅價錢去訂閱呢，咁冇錯，係抵咗嘅。咁但係如果你原先根本就冇訂閱開呢一啲串流影音平台嘅話呢，你又根本唔會用呢一啲串流影音平台嘅話呢，咁其實你續約嘅價錢呢係貴咗之餘，你享受嘅服務係冇增多到。
但係可能就會有人話，咁我都冇得揀，佢淨係得呢一個offer喎咁點算好呢？係唔係佢開出啲乜嘢價錢我都要硬食？咁就當然唔係啦。大家都知呢其實轉台嘅優惠呢大多數情況底下，都係會俾續約嘅優惠多嘅。月費更加平之餘呢，贈品呢都會更加多嘅。所以當續約嘅offer唔啱心水嘅時候呢，可以不妨考慮轉台嘅。如果大家有任何寬頻上嘅查詢，可以致電2121 1544，或者whatsapp 9749 8987。同時，亦都可以訂閱我嘅頻道，我哋下集再同大家分享其他資訊，拜拜！