Wifi蛋本地數據卡建議?



咁wi-fi蛋用嘅本地數據卡有啲乜嘢建議呢?呢首先單獨買嘅本地數據卡,可以分為兩類。第一類呢係有合約嘅。第二類就係冇合約嘅。有合約㗎啦相信大家都好熟識㗎,即係一次過可能要簽12個月、24個月、甚至乎係36個月嘅合約。然後每個月畀一個月費價錢呢,享用呢個數據上網服務。而冇合約又或者我哋所講嘅自由約呢,就通常都係每月計嘅。咁一般呢一類型嘅數據卡嘅自由度呢係會比較高嘅,除咗佢係冇合約之外呢,速度同埋數據量,都可以視乎用家嘅需要呢,調高或者係調低嘅。咁呢一類嘅服務呢,3HK嘅Sosim、CSL嘅Club sim、又或者係自由鳥呢,都有提供相類似嘅服務嘅。至於點樣揀呢,其實就好視乎你本身係用嚟做啲乜嘢嘅。如果你只係需要1-2個月嘅本地數據卡嘅上網服務嘅話呢,其實呢一類無合約又或者所謂嘅自由約數據卡,可能就會比較適合你啦。相反,如果你係打算長期使用,又或者好似有啲人係為咗啲限量版嘅精品嘅話呢,例如係演唱會門票,咁可能有合約嘅數據卡呢就會比較適合你啦。

咁除此之外呢其實仲有一個選擇嘅,咁有啲人呢就會覺得我要單獨買一個wi-fi蛋,同埋數據卡,但係我又只係想用兩三個月喎,咁係咪會好嘥錢呢?咁其實市面上咩係有一啲租借wi-fi蛋連埋數據卡嘅服務嘅。換言之呢,你只係需要畀一個價錢,就可以租借wi-fi蛋,同埋使用上網數據服務,咁呢一類型嘅上網服務可以喺邊一度搵到呢?其實就係平時我哋旅行用租借wi-fi蛋嘅公司,都有提供本地wi-fi蛋數據上網服務嘅。例如係爽wi-fi、Wi-fi bb等等,都有提供每日計又或者係每月計嘅數據上網服務嘅。


如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!


網址:https://www.telcoquo.com

電話:2121 1544

WhatsApp:9749 8987

YouTube:https://www.youtube.com/channel/UCWnZXylwPKbv_4xWKFgM5FQ

Facebook:https://m.facebook.com/Telcoquo%E5%85%8D%E8%B2%BB%E5%AF%AC%E9%A0%BB%E5%A0%B1%E5%83%B9-112543073908299/

3 次查看