5G 150G plan一個月夠唔夠用?



咁用5G 150 gb數據一個月夠唔夠用呢?咁其實你可以睇兩樣嘢嘅。第一就係你平時嘅上網習慣究竟係點樣啦。第二就係你嘅plan用完數據之後會唔會限速,會嘅話又係限幾多速?咁首先講咗第一樣嘢就係你嘅上網習慣先。係之前嘅片都有講到㗎,如果你係由4g升級到5g,純粹係速度快咗呢,如果你嘅上網習慣係冇改變到嘅話呢,理論上你嘅數據用量呢,喺唔會多咗嘅。咁但係你話唔係喎,我轉用咗5g之後經常睇多咗片喎,而且仲要係睇4k影片添,即係睇一個鐘頭可能就會用咗超過10gb數據。咁假設你係每日睇一個鐘頭呢,150gb的數據未必係夠用嘅。相反,如果你係完全唔會用手機數據去睇任何影片,又或者下載任何嘢嘅話呢,150gb一個月呢,可能就非常之足夠使用。咁所以呢就非常之事乎你嘅上網習慣。第二點要注意嘅就係你嘅手機plan會唔會限速。咁其實而家好多plan都係咁樣㗎啦。你用完數據之後呢你嘅速度係會下跌去到128kbps、2M、5M不等。咁萬一你嘅數據真係用曬嘅時候呢,你就要留意返究竟你個plan會限幾多速。咁網上呢係有一啲速度嘅建議可以參考返。例如睇youtube嘅高清影片建議速度呢可能係5M,使用一啲視像會議嘅應用程式嘅建議速度呢,可能最少都需要1-2M嘅。咁呢個時候呢你可能就會知道如果我個plan限咗速之後得128kbps呢,好大機會呢就未必夠用。咁但係如果你話唔係喎我限左速之後都仲有5M嘅速度,咁可能就對我平時日常生活使用手機冇乜太大嘅影響啦。


如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!


網址:https://www.telcoquo.com

電話:2121 1544

WhatsApp:9749 8987

YouTube:https://www.youtube.com/channel/UCWnZXylwPKbv_4xWKFgM5FQ

Facebook:https://m.facebook.com/Telcoquo%E5%85%8D%E8%B2%BB%E5%AF%AC%E9%A0%BB%E5%A0%B1%E5%83%B9-112543073908299/


1 次查看