1000mb上網行wifi入到房dl野得10幾mb係咪正常?



咁我裝左1000m上網入到房download嘢得10幾M係唔係正常呢?咁首先呢喺呢個情況底下就可以確認一下究竟係唔係距離嘅問題。即係你個router放喺廳度分享wifi上網呢,係可以去到接近一千蚊嘅速度嘅。只不過呢係去到房入面嘅時候呢,只係得番10幾M。換言之呢,即係router同埋房入面嘅距離呢太遠,或者係中間嘅阻隔物太多,導致下載速度慢。咁如果係呢個情況嘅話呢,就可以考慮安裝近年興起嘅mesh wi-fi系統。咁乜嘢係Mesh wi-fi呢?就即係利用路由器主機同埋分機喺單位入面形成無線網絡,將wifi訊號嘅覆蓋範圍擴大。簡單嚟講呢,即係裝多一個router喺你間房度來增強wi-fi訊號,同埋提升個下載速度嘅。咁想裝mesh wi-fi嘅話係唔係求其喺個街度買個router返嚟就可以連接嘅呢?咁就當然唔係啦。Mesh wifi通常呢都係以套裝出售嘅,一套呢就會有兩至到三件。咁當然亦都有啲係可以按用家嘅需要呢,購買更加多嘅路由器分機嘅。而且mesh wifi多數都係行wi-fi 6,即係我哋所講嘅AX制式。咁要留意市面上一般嘅mesh wi-fi系統都唔平嘅。通常呢都需要3000蚊或以上先至有一套兩件或者係三件嘅mesh wi-fi系統,一套系統呢就已經係包括主機同埋分機㗎喇。咁除咗mesh wifi之外有冇其他解決方法呢?咁係有嘅,最簡單嘅方法呢其實就係拉一條上網線入房。由modem直接連接電腦。咁呢個方法呢都係可以直接解決到wi-fi訊號覆蓋嘅問題嘅,而且價錢係相當之平嘅。只係需要額外買一條上網線就得㗎喇。


如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!


網址:https://www.telcoquo.com

電話:2121 1544

WhatsApp:9749 8987

YouTube:https://www.youtube.com/channel/UCWnZXylwPKbv_4xWKFgM5FQ

Facebook:https://m.facebook.com/Telcoquo%E5%85%8D%E8%B2%BB%E5%AF%AC%E9%A0%BB%E5%A0%B1%E5%83%B9-112543073908299/

1 次查看