top of page

手機想轉台有咩推介?



咁手機想轉台有咩推介呢?咁其實呢而家網絡服務供應商提供嘅手機上網服務呢,大致可以分為兩類。第一類呢就係我哋都非常之熟悉,就係要簽一個固定嘅合約。然後合約呢就包括某一個數據量,然後就包括某一個上網速度咁樣嘅。而另一類呢就係近年比較熱門嘅,就係一類冇合約嘅手機上網服務。冇合約嘅手機上網服務係乜嘢意思呢,

譬如而家嘅Sosim、Club SIM、又或者係自由鳥,都有提供每月計嘅手機上網服務嘅。咁特點就係自由度非常高,可以按用家需要隨時增加數據量,或者係其他增值服務嘅。咁有合約同埋冇合約之間可以點樣揀呢?咁其實兩者都各有優點同缺點,咁就可以視乎返個人嘅需要選擇。咁如果以自由度嚟講嘅話呢,冇合約呢的而且確呢個自由度係比較大,就唔同有合約咁樣,你簽咗一個合約呢你再想轉合約入面嘅內容譬如係速度或者係數據量呢,可能就只有升級第二份合約先做到。咁但係如果你話要一個方便嘅程度嚟講,冇合約嘅手機上網服務呢,多數呢都需要用一個手機應用程式去管理你嘅帳戶嘅。咁對於老人家又或者係唔熟悉手機應用程式嘅人嚟講,可能就冇咁方便。咁喺優惠方面嚟講咩,有合約嘅手機上網服務呢,多數呢都會有一啲贈品或者係會籍嘅服務嘅。咁有人如果係習慣追星嘅話呢,咁網絡商的而且確有啲時間呢係會有啲限量版嘅門票或者係贈品嘅。呢啲優惠呢似乎亦都好少可以喺一啲冇合約嘅計劃入面見到嘅。咁總括嚟講如果問手機想轉台嘅時候有啲乜嘢推介呢?咁其實呢就可以開始從有合約同埋無合約呢兩個大方向再按個人嘅需要,選擇適合嘅手機上網服務。


如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜! 網址:https://www.telcoquo.com 電話:2121 1544 WhatsApp:9749 8987 YouTube:https://www.youtube.com/channel/UCWnZXylwPKbv_4xWKFgM5FQ Facebook:https://m.facebook.com/Telcoquo%E5%85%8D%E8%B2%BB%E5%AF%AC%E9%A0%BB%E5%A0%B1%E5%83%B9-112543073908299/


15 次查看0 則留言

Comments


bottom of page