其實5GB+128kbps上網plan係咪雞肋?


咁首先簡單講一下究竟呢一款,係一款點樣嘅上網plan嚟先。呢一款上網plan嘅重點,無論佢係4g速度又好,4.5G又好,還是5G都好, 個重點其實就係128kbps。咁128kbps究竟係乜嘢嚟㗎呢?又或者係邊一度會見到呢一個128kbps?其實最常見嘅地方呢就會係網絡商入面嘅上網plan用完數據之後嘅速度跌至128kbps。咁128kbps究竟係有幾快或者係有幾慢呢?又或者係做到啲乜嘢呢?如果你想以128kbps嘅速度好暢順咁樣睇完一條youtube影片,咁幾乎係唔可能嘅。可能連瀏覽一啲好基本嘅網頁,都需要等幾分鐘先至load到嘅。如果個網頁上面係有一啲高清嘅圖片,甚至乎有啲動畫嘅話呢可能仲需要load得更加耐㖭。咁128kbps呢可能只係提供到一個好有限度嘅上網服務嘅啫。例如係用一啲社交軟件傳送一啲文字嘅訊息,簡單嚟講呢可以話係聊勝於無嘅。

咁有人可能就會話,只要我唔用曬啲數據,咁我嘅上網速度咪唔會跌?咁冇錯嘅。只要你唔用曬啲數據,其實呢個速度呢就唔會下跌嘅。所以呢一個情況呢就要睇下你前面嘅數據係有幾多啦。如果呢一個情況你只係得5GB嘅話呢,咁個情況呢其實都好令人擔憂。因為而家好多應用程式呢,都係一啲分享短片嘅社交軟件,例如係youtube、Facebook、Instagram,其實都係有涉及到影片,而影片使用嘅數據量其實係會比較多。咁當然,如果你話呢一個plan係畀老人家用,又或者平時根本就唔會出街,長期可以用室內嘅wi-fi嘅話呢,再加上平時呢又唔睇影片、又唔瀏覽器社交網頁、又唔上網嘅,純粹係用一啲通訊軟件傳送訊息嘅話呢,咁呢一個plan呢可能就好適合啦。


如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!

3 次查看