光纖要排線唔知咩意思?



咁光纖排線即係乜嘢意思呢,其實排線就即係等候光纖線位。咁乜嘢係光纖線位又或者我哋俗稱所講嘅port位呢?咁同埋點解要等候或者點解要排隊等候port位呢?咁其實呢要等呢就係因為源於爆port問題嘅。爆port呢即係光纖線位不足。簡單嚟講呢,就即係大廈入面嘅寬頻連接口嘅數量係有限嘅。假如大廈入面嘅住客係已經佔用曬網絡商所有嘅寬頻連接口嘅話呢,就會出現我哋所講嘅寬頻線位不足,或者係爆port嘅問題。咁呢個時候呢網絡商呢就會同你講係需要排線。即係你要等其他嘅住戶呢係唔用果一間網絡服務供應商嘅服務,咁先至會有寬頻連接口騰空咗出嚟係畀第二個佢用嘅。咁所以排線嘅過程可以係非常之慢長嘅。因為首先你要等其他住客嘅合約完左,然後嗰個住客係選擇唔再續約,想轉台,咁先至會有一個寬頻連接口係騰空咗出嚟。咁再加上因為你係排隊等候port位,可能呢係同時有好多個人一齊等緊一個port位。所以實際上要等候嘅時間呢,係非常之難預估嘅。咁呢一個時候有乜嘢比較實際嘅解決方法呢?如果你係冇其他選擇,又或者唔想用其他網絡服務供應商嘅話呢,咁可能就只可以考慮5g寬頻。即係而家Smartone、3HK、或者係CMHK,所講嘅5G家居寬頻。咁5G家居寬頻就唔需要拉線,所以亦都唔存在要排線嘅問題。你只係需要插張sim卡落個5g路由器,就可以分享wifi上網㗎。個原理呢其實就同你手機分享wi-fi或者係用個人熱點分享上網一樣。不過用5g router分享上網呢,喺個分享距離上係會遠好多嘅,同埋連接裝置嘅數量上呢都會多好多嘅。


如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!


網址:https://www.telcoquo.com

電話:2121 1544

WhatsApp:9749 8987

YouTube:https://www.youtube.com/channel/UCWnZXylwPKbv_4xWKFgM5FQ

Facebook:https://m.facebook.com/Telcoquo%E5%85%8D%E8%B2%BB%E5%AF%AC%E9%A0%BB%E5%A0%B1%E5%83%B9-112543073908299/

3 次查看